Србија дозволи движење на возила со косовски таблички. Денеска влегува во сила одлуката што беше донесена на 25-ти декември. Владата на Србија ја објасни како „помош за Србите од Косово и Метохија, која ќе им го олесни животот бидејќи тие најмногу ги користат административните премини“. Одлуката на српската Влада да ги признае табличките РКС беше донесена веднаш откако голем број Срби од северот на Косово ги заменија претходно неутралните таблички КС на УНМИК, како и табличките издадени од МВР на Србија со имиња на градови во Косово, со таблички издадени од властите во Приштина. Тоа им е единствениот начин да се движат низ Косово. Според податоците на Владата на Косово, од 1 ноември до 14 декември, 3 илјади 405 граѓани, од кои повеќето во општините Северна Митровица и Лепосавиќ, земале регистерски таблички со РКС.
