И утринава скопјани се разбудија претрупани во ѓубре и смрдеа. Иако синоќа дел од камионите на Комунална хигиена со полициска асистенција излегоа да чистат сепак најверојатно неколкудневното таложење и насобирање на отпадот не беше лесна мисија за да се собере за неколку часа. Граѓаните револтирани сите пресметки на крај пагаат врз нивен грб. Велат плаќаат за услуга која не ја добиваат.
Проблемот со отпадот кој со денови стои неодложен започна откако дел од вработените ја блокираа работата на Комунална хигиена со барање да бидат вратени избрканите вработени, да им се покачи платата, да добијат К15 и да се смени односот кон нив на директорката Мазнева. Таа пак синоќа рече дека подготвена е да подели уште стотици откази за сите кои го узурпирале работењето на претпријатието, а за дел од нив најави и кривични пријави.
Во текот на денешниот ден ќе следат постапки за откази на онаа група која три дена го узурпираше претрпријатието. Против иститие поднесени се и кривични пријави за загрозување на безбедноста и здравјето на граѓаните, соопшти директорката мазнева.
Градоначалниците на скопските општини излегоа на терен за како што рекоја на своја сметка да ја завршат работата на надлежните институции. Дел од нив синоќа се пожалија дека биле опструирани од јавната депонија Дрисла и им било забрането да го одложат отпадот во единствената голема депонија за Скопје. Рекоа дека според нив зад целата состојба најверојатно има политичка позадина.
Дека имаше препукувања и на политичка релација можеше да се види од пораките кои си ги упатија довчерашните сојузници, а сега лути ривали, лидерот на ВМРО – ДПМНЕ, Христијан Мицкоски и градоначалничката на Град Скопје Данела Арсовска.
Арсовска вчера тврдеше дека во претпријатието има превработеност, како и дека таму се вработувале роднини до шесто колено . Денеска се пофали со исчистени контењери но не кажа дали како што најави го исчисти и нејзиниот главен приоритет Мицкоски.
Тамара Марковска