Грчкиот премиер Киријакос Мицотакис, чија конзервативна партија извојува убедлива победа на изборите, но без доволно парламентарни места за формирање влада, посочи дека ќе бара втори избори надевајќи се дека ќе ја зацврсти својата победа без потреба од коалициски партнер.
Вторите избори, кои најверојатно ќе се одржат на крајот на јуни или почетокот на јули, ќе се спроведат според новиот изборен закон кој дава бонус места на победничката партија, со што на партијата на Мицотакис ќе и се олесни сама да формира влада.
Шефот на СИРИЗА и поранешен премиер, Алексис Ципрас, се бореше да ја врати широката поддршка што ја уживаше кога дојде на власт во 2015 година со ветување дека ќе ги смени мерките за штедење.
Тој во телефонски разговор му ја честитал победата на Мицотакис и рече дека во наредниот период неговата партија ќе се состане за да ги испита резултатите и како дошле до нив.
Поддржувачите на грчката партија Нова демократија ги прославија резултатите на нивната партија по вчерашните избори во земјата.
Дел од нив се собраа пред седиштето на партијата во Атина, навивајќи и веејќи партиски знамиња.
Ова беа први избори во Грција откако нејзината економија престана да биде под строг надзор од меѓународните кредитори кои обезбедија спасувачки средства за време на речиси децениската финансиска криза во земјата.