Во дербито од 20. коло во кошаркарскиот шампионат Пелистер го совлада Феникс со 93:74 и ја продолжи серијата од три победи, а на противникот му го нанесе вториот едно по друго пораз.
Најефикасен во редовите на Битолчани со 28 поени беше Андреј Маслинко кој додаде и осум скока, Иван Сапунџиев впиша 17 поени и седум освоени топки под обрачите додека Донтај Краутерс имаше 16 поени и пет асистенции.
Во редовите на Феникс Андреј Митевски беше стрелец на 23 поени, а Бојан Трајковски имаше учинок од 12 поени и седум скока.
ТФТ без поголем проблем стигна до победа од 92:83, а Работнички славеше во соочувањето со Чаир со 83:67.
И во последниот натпревар од денешната програма Гостивар триумфираше над Еуро Никел со 85:65.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.