Претставниците на Хрватите, Торбешите, Црногорците и Египќаните во вечерашната Топ Тема порачаа дека тие бараат да бидат впишани во Уставот на државата, не заради добивање некакви привилегии или вработувања во државната администрација преку етнички клуч, туку како желба повеќе да не бидат дел од графата „други“ во највисокиот правен акт.
Мирољуб Орландиќ, од Матица Црногорска во Македонија; Ненад Живковиќ од Заедницата на Хрватите; Рубин Земон од Сојузот на балкански Египќани и Рејхан Дурмиши од Културно-научниот центар „Торбешки мост“, подвлекоа дека припадниците на нивната национална заедница ја чувствуваат Македонија како своја држава, но сакаат покрај индивидуалните права, да ги уживаат и колективните права, преку внесување во преамбулата на Уставот, да бидат гарантирани нивните колективни права и да не бидат дискриминирани.