Македонската женска ракометна репрезентација го доживеа и вториот пораз на Европското првенство.
Овој пат Македонија е совладана од Холандија со 30:15. Нашите ракометарки скапо ги платија грешките во нападот и буквално секоја загубена топка противничките ја казнуваа со лесен погодок.
За разлика од претходниот дуел со Франција, нашите репрезентативки постигнаа еден погодок повеќе и не го повторија неславниот рекорд.
Најефикасна во нашиот тим со три гола беше Сара Ристовска, a по два пати прецизни беа Моника Јанеска, Јована Кипријановска, Јована Саздовска и Леонида Гичевска.
Во последниот натпревар од првата фаза на шампионатот Македонија в среда ќе се соочи со Романија.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.