Истрагата за шверц на пет тони марихуана е во рацете на обвинителството, децидни Дачиќ и Тошковски

Министрите за внатрешни работи на Србија и Македонија, Ивица Дачиќ и Панче Тошковски со ист одговор за случајот со шверцот на пет тони марихуана кои потекнуваа од легалните плантажи за одгледување на медицински канабис.

Според нив, министерствата си ја завршиле својата работа, а обвинителството е надлежно за истрагата која трае околу 5 месеци, а беа уапсени неколку лица и во Македонија и во Србија.

Главниот организатор на групата Александар Мијајловиќ за кого е распишана меѓународна потерница се уште е во бегство.

• „Кога полицијата заврши одредена работа ние таа работа ја предаваме на Обвинителството и Обвинителството ја води таа истрага. Така што јас не можам да кажам ништо повеќе од тоа. Мислам дека тоа е еден голем успех кој го постигнавме. Се трагаше за тој главен осомничен и организатор, но тоа се е во рацете на обвинителството и не би можел сега да давам некои такви тајни информации – Александар Дачиќ, министер за внатрешни работи на Србија.
• „Мислам дека треба да го оставиме обвинителството да си ја сработи работата во надлежноста која што ја има согласно закон. Претпоставувам знаете дека Министерството за внатрешни работи за дел од групата поднесе кривична пријава. Дел од учесниците во рамки на оној кривично-правен настан се обезбедени, лишени од слобода и за нив се определени најстроги мерки…“ -изјава Панче Тошковски, министер за внатрешни работи на Македонија.