Тригодишното момче Клајбер Моран беше извлечено живо од урнатините шест дена по разорните земјотреси што ја погодија Венецуела. Спасувањето го изведе јордански спасувачки тим во сојузната држава Ла Гуаира, а детето по укажаната прва помош е пренесено во болница во Каракас, и е во стабилна состојба.
¡Un verdadero milagro en La Guaira!
Tras 6 días bajo los escombros del edificio Los Corales Garden 1, el pequeño Klieber Morán (3 años) ha sido rescatado con vida.
Gracias a la misión de rescatistas de Jordania por este acto heroico
¡La esperanza sigue intacta! 🇻🇪🙏 pic.twitter.com/oqXK6clSRK
— Cuatro F Web (@CuatroFWeb) June 30, 2026
Бројот на загинати се искачи на 1.943, додека повеќе од 10.000 лица се повредени, а илјадници сè уште се водат како исчезнати. Според првичните проценки, земјотресите со јачина од 7,2 и 7,5 степени оштетиле или уништиле речиси 59.000 објекти, при што Ла Гуаира е меѓу најтешко погодените области.
Обединетите нации предупредуваат дека десетици илјади луѓе имаат итна потреба од храна, засолниште и здравствена помош.
Меѓународни спасувачки тимови и понатаму трагаат по преживеани, додека во земјата пристигнува хуманитарна помош со медицински материјали, опрема за итна здравствена грижа и средства за спречување на ширење на заразни болести.
