Салмонела е причина за труењето на 191 вработен во Рек Битола

Салмонела е причина за труењето со храна кај вработени во РЕК Битола. Центарот за јавно здравје ги соопшти резултатите од анализите спроведени заедно со Институтот за јавно здравје, Државниот санитарен и здравствен инспекторат и Агенцијата за храна, направени по пријавените случаи на стомачни тегоби по вечерата во мензата на РЕК на 24 март.

Околу 191 вработени во комбинатот побараа лекарска помош и се пожалија на стомачни тегоби по консумирање оброк – лазањи со сос – подготвен во кујната на РЕК Битола.

Од Агенцијата за храна зедоа мостри од храната и брисеви од работни површини, како и од рацете и носот на вработените, а мензата со која стопанисува ЕСМ Молика беше затворена.

Кај еден од вработените е констатирано присуство на стафилококна бактерија.

Емилија Мисирлиевска