Полицијата извести дека 58-годишен тракторист починал откако со тракторот се превртел во реката Тркање додека превезувал приколка со дрва. Несреќата се случила во близина на селото Градско Балдовци, а струмичката полиција и обвинителство извшија увид по несреќата.
Во продолжение, соопштението на МВР:
На 17.01.2026 во Полициската станица Струмица е пријавено дека на место викано „Белик“, во атар на село Градско Балдовци, трактор кој влечел приколка натоварена со дрва, паднал во речното корито на река Тркање. На местото на настанот починал Д.Н.(58) од Струмица, кој го управувал тракторот, а смрт била констатирана од лекар од Медицински центар Струмица. Увид на местото извршија јавен обвинител од Основното јавно обвинителство Струмица и екипа на СВР Струмица.