Лазов: Кујната во ОУ „Димо Хаџи Димов“ е затворена, издадено е Решение за забрана, наложени се вонредни мерки за чистење, дезинфекција, дезинсекција и дератизација

Кујната во основното училиште „Димо Хаџи Димов“ е затворена со жолта лента на која има печат, има датум на затворање и даде Решение за забрана, изјави Кирил Лазов, директор на Државен санитарен и здравствен инспекторат, во вечерашната дебата во „Топ тема“ на Телма ТВ.

„Во тоа Решение, покрај забраната, имаме наложено и мерки кои што треба да ги спроведе операторот. Тие мерки се вонредно чистење на објектот каде што се вршел промет, вонредна дезинфекција, дезинсекција и дератизација, вонредни здравствено-хигиенски мерки за вработените и изготвен е записник“, рече Лазов.

С.Д.