Министерството за здравство соопшти дека досега за вакцинација против сезонски грип се пријавиле над 70.000 граѓани, а повеќе од 22.000 веќе ја примиле вакцината. Од ресорното министерство велат дека интересот за имунизација континуирано расте низ целата држава… Вакцинацијата се спроведува на 35 пункта, од кои пет се во Скопје. Граѓаните можат да се пријават преку апликацијата vakcinacija.mk или преку својот матичен лекар. Со бесплатната вакцинација се опфатени ризичните категории – лица над 65 години, хронично болни, здравствени работници, бремени жени, деца од шест месеци до пет години, како и лица сместени во установи за социјална заштита и нивните негуватели. Министерството информира дека превентивните тимови продолжуваат со теренска вакцинација и во домашни услови, насочена кон повозрасни, неподвижни лица и лица со попреченост, со цел поголема достапност на имунизацијата низ државата.
