Генералниот секретар на Обединетите нации, Антонио Гутереш, го објави најновиот извештај за глобалната воена потрошувачка, во кој повика земјите-членки да ги преиспитаат приоритетите меѓу безбедноста и развојот.
Според извештајот, светската воена потрошувачка во 2024 година достигнала рекордни 2,7 трилиони долари, што е еквивалент на 334 долари по човек. Гутереш истакна дека ова е 13 пати повеќе од официјалната развојна помош од најбогатите земји и дури 750 пати повеќе од редовниот буџет на ОН.
Гутереш предупреди дека ваквото трошење ја загрозува реализацијата на Целите за одржлив развој. „Само една од пет цели е на вистински пат. Финансискиот јаз расте,“ изјави тој.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.