Украинскиот претседател Володимир Зеленски предупреди дека руската армија не се подготвува да ја заврши војната, туку подготвува нови офанзивни операции.
Зеленски на платформата Х им се заблагодари на лидерите на Европската Унија за нивната досегашна поддршка на Украина.
Во соопштението тој нагласи дека е „клучно единството на ставовите да остане непоколебливо“ и ги повика партнерите да го зголемат притисокот врз Русија.
-Сите заедно разговараме за прашања поврзани со безбедноста на Украина и Европа. Секоја одлука мора да придонесе за нашите заеднички безбедносни капацитети. И ако Русија одбие да ги запре убиствата, мора да биде одговорна“, рече украинскиот претседател.
ЕУ со порака: Украина мора да има право сама да одлучува за својата иднина