Операцијата заврши, поставен е на респиратор на интензивна нега на Клиничкиот центар Србија во Белград, изјави министерот за здравство на Србија, Златибор Лончар. Ова е последната информација за српскиот министер за јавни инвестиции, Дарко Глишиќ кој утрово доживеа мозочен удар за време на гостување во утринската програма на ТВ Пинк.
Глишиќ е во тешка состојба и му претстои сериозна борба, додаде Лончар. Според него, операцијата била комплицирана и комплексна и оти траела подолго од вообичаеното, бидејќи, како што рече, биле оштетени два крвни сада.
„Еден голем крвен сад беше целосно запушен, а другиот не само што бил запушен, туку и крварел. Лекарите успеале да ги решат проблемите со двата во кои сега има проток на крв“, изјави Лончар.
Порака со поддршка за Глишиќ испрати српскиот претседател Александар Вучиќ кој на Инстаграм напиша „Даре држи се! Нема предавање“.
Дарко Глишиќ е роден на 28 мај во 1973 година во Уб.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025