Утрово неколку минути по седум часот се случи сообраќајна несреќа на патот Шенѓин-Велипоја, во селото Рјол, Албанија, информира oranews.tv.
Полициските власти известиле дека се сомнева дека граѓанинот со иницијали Ј. Б., додека го управувал своето возило, изгубил контрола и како резултат на тоа автомобилот излетал од патот и се забил во продавница.
Како резултат на несреќата, повредени се возачот на возилото Ј. Б. и тројцата патници, односно членови на неговото семејство. Тие се испратени на лекување во болницата во Скадар, од каде известуваат дека се надвор од животна опасност.
Полицијата работи на разјаснување на околностите на несреќата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.