Вести Економија

Ноемвриската нето плата паднала за 135 денари во однос на октомври, но се покачила за 9,5% во однос на ноември 2023-та

Државниот завод за статистика објави дека во ноември лани просечната исплатена нето плата изнесува 41.999 денари. Најголемата просечна нето плата и натаму е во секторот „информации и комуникации“- 77.475 денари, додека најниска просечна плата има во секторот „објекти за сместување и сервисни дејности со храна“, само 30.348 денари што е за 11.600 денари помалку од вкупната просечна плата.

Ноемвриската просечна нето плата е за 139 денари помала од октомвриската просечна плата или во проценти оди -0,3%. Од друга страна, нето платата во ноември 2024-та пораснала за 9,5% во однос на ноември 2023-ра (тогаш била 35 389 денари).

Зголемувањето на годишно ниво на просечната нето плата се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (15.3 %), Транспорт и складирање (12.7 %) и Преработувачка индустрија (11.2 %).

Поединечно, најголемо зголемување имаат вработените во одделот Научно истражување и развој бидејќи според статистика, просечната плата во ноември ланни во нето им изнесувала 65 635 денари со годишен раст од повеќе од една третина односно 38,5%.

Намалување на просечната месечна исплатена нето-плата по вработен, во однос на претходниот месец (октомври 2024-та, е забележано во секторите: Рударство и вадење на камен (8.0 %), Дејности во врска со недвижен имот (5.9 %) и Земјоделство, шумарство и рибарство (2.6 %).

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

ФОТО/ВИДЕО Кармина Бурана во Софија- Филхармонија заедно со бугарските и грчките колеги изведоа маестрално за стоечки овации

Дејан Дејан

Трамп бара половина од рудното богатство на Украина за да почнат заеднички бизнис-Telegraph објави детали од американската понуда

Дејан Дејан

Украина, но и нормализација на односите меѓу Москва и Вашингтон – Лавров и Ушаков пристигнаа во Ријад

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе