Лионел Меси продолжи да ги поместува границите на Светските првенства. Аргентинецот погоди во победата против Јордан и стигна до својот 19-ти гол во историјата на Мундијалите, со што дополнително го подобри рекордот на вечната листа на стрелци.
Меси сега има три гола повеќе од Килијан Мбапе, кој е на 16 погодоци, а со шестиот гол на актуелниот турнир засега е лидер и во трката за „Златната копачка“.
Аргентинската ѕвезда во исто време испиша уште една историја. Меси стана првиот фудбалер што постигнал гол на седум последователни натпревари на Светските првенства. Серијата ја почна на Мундијалот во Катар, кога погоди против Австралија, Холандија, Хрватска и Франција, а ја продолжи на ова СП со головите против Алжир, Австрија и Јордан.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.