Вести Македонија

Увид во доказите, па обвинение за убиството на Вања и Панче

Тече рокот од 15 дена за увид во доказите откако заврши истрагата за дел од осомничените за грабнувањето и убиството на 14 годишната Вања Ѓорчевска и 74 годишниот Панче Жежовски. Ако се има предвид дека обвинителството на 15 мај соопшти дека истрагата за случајот е завршена тогаш увидот најверојатно треба да биде спроведен во теков на неделава по што ќе биде поднесено и обвинение за случајот.

Владимир Туфегџиќ адвокатот на таткото на Вања, Александар Ѓорчевски в среда е повикан во обвинителството, а рокот да се изјасни во однос на доказите, како што рече за Телма, истекува на 1 јуни. Ѓорчевски е осомничен дека помогнал во грабнувањето на неговата ќерка, односно давал информации за нејзиното движење. Тој тврди дека е невин, а казната за кривичното дело за кое се товари е до 10 години затвор.

Телма се обиде да исконтактира и со адвокатите на Влатко Кешишов, Велибор Манев и Боре Видевски кои се осомничени дека се соизвршители во грабнувањата и убиствата, а еден од нив не извести дека се уште не добил термин од обвинителството за увид во доказите против неговиот клиент.

Извесно е дека обвинителството за нив ќе бара најстрога казна – доживотен затвор. Кога беа приведени тие признаа вина и ја одведоа полицијата до местата каде што биле закопани жртвите. Како организатор на грабнувањата и извршител на убиствата тие го посочија Љупчо Палевски Палчо, кој на 15 мај беше екстрадиран од Турција. Палевски на 5 декември, минатата година беше уапсен во Баликесир по распишаната меѓународна потерница.

Стефан Димковски кој го превезе Палевски од Белград до Турција е осомничен за помагање по извршеното кривично дело.  Тој тврди дека е невин и дека кога го возел Палевски не знаел дека полицијата е во потрага по него.

По поднесувањето на обвинителниот акт, обвинетите имаат 8 дена за приговор. Ако не поднесат приговор, тогаш судот го одобрува, а рочиште ќе треба да се закаже за 30 дена. За обвинение против Палевски ќе се почека, бидејќи истрагата за неговата инволвираност во случајот започна кога тој стапна на македонско тло, а може да трае максимум 6 месеци.

Марија Митевска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Нови жртви во Грција, туристите бараат разладување во морето но, на сонце се издржува само половина минута

Дејан Дејан

Над 120 затруени со храна во Москва

Дејан Дејан

Градоначалник на Хрватски град претепал војник

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе