Во Светскиот куп во алпско скијање, Сиприен Саразан со двојна спуст победа во Кицбил, Сара Хектор беше најбрза на велеслаломската трка во Јасна.
Саразан по вчерашната победа на спустот во Кицбил, денеска повторно беше најбрз на истата патека во истата дисциплина. За Французинот ова беше четврта сезонска победа, а трета во спуспт. Оствари време од 1:52,96 минути и за 91 стотинка беше побрз од Швајцарецот Марко Одермат, а трет беше Доминик Парис од Италија.
Absolutely incredible from Cyprien Sarrazin overtaking Marco Odermatt after that stunning run 😱👀#fisalpine pic.twitter.com/tbCeNWO6Lu
— Eurosport (@eurosport) January 20, 2024
Одермат го задржа водството во спуст со 516 бодови, но Саразан сега има само шест помалку на второто место. Во генералниот поредок, повторно истите двајца скијачи се на врвот, но во овој случај Одермат има 1.156 бодови, а Саразан само 660.
Викендот во Кицбил завршува утре со трката во слалом.
Сара Хектор ја оствари првата сезонска победа и тоа на велеслаломската трка во Јасна, Словачка. Швеѓанката оствари вкупно време од 2:17,80 минути во двете возења, а зад неа финишираше Микаела Шифрин со една и пол секунда послаб резултат. Трета беше Алис Робинсон од Нов Зеланд.
Во велеслалом води Лара Гут-Бехрами, која денеска беше шеста, со 485 бодови, пред Федерика Брињоне со 460, а трета е Шифрин со 429. Американката е прва во генералниот поредок со 1.109 бодови, а втора е Петра Влхова со 802 бода.
Утре во Јасна скијачките ќе се натпреваруваат во слалом.