Во Светскиот куп во ски скокови денеска се одржа првиот тимски натпревар во Закопане, Полска. Победата ја однесоа скокачите на Австрија.
Австрија освои вкупно 1.146,6 поени, а најдобар беше Михаел Хајбек, кој индивидуално имаше најдобар настап. Штефан Крафт беше трет, а меѓу најдобрите 10 беа и Мануел Фетнер и Јан Херл. Тоа беше доволно за Австријците да го освојат првото место, пред Словенија, која стигна до 1.095, 5 бодови. Третото место и припадна на Германија.
Утре во Закопане на ред е натпреварот во индивидуална конкуренција со што ќе се комплетира полската турнеја.
Следниот викенд нема натпревари од Светскиот куп, туку на програмата е Светскиот шампионат во ски летови во Бад Митендорф, Австрија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.