Американецот Брајс Бенет ја изненади конкуренцијата во Вал Гардена на денешниот прв сезонски спуст во рамки на Светскиот куп во алпско скијање.
Бенет до својата втора победа во кариерата дојде со време од 1 минута, 23 секунди и 80 стотинки. Зад него финишираше Норвежанецот Александер Амод Килде со само три стотинки послабо време, додека на третото место беше Марко Одермат од Швајцарија. Со оглед на фактот дека претходни три закажани трки во спуст беа откажани, Бенет е лидер во оваа дисциплина со 100 бодови, пред Килде со 80 и Одермат со 60. Во генералниот поредок првото место го делат Марко Одермат и Марко Шварц со по 160 бодови.
Во Вал Гардена утре се вози супер велеслалом, а во сабота уште еден спуст. Потоа во недела и понеделник на програмата се две трки во супер велеслалом во Алта Бадија.
