Затскриена зад грмушки и дрвја, на тешко пристапен терен и далеку од сѐ, е дупката каде што бил закопан Панче Жежовски. Се наоѓа надвор од Велес, но е во близина на село. Сѐ уште има остатоци и предмети од активностите кои се случувале на ова место.
Јавноста е во шок, а во неверување се и најблиските на 74-годишниот велешанец, Жежовски. Во краток разговор ќерката вели – од медиумите слушаме за мотивите на убиството. И неговите сограѓани велешани велат – мирен човек, се знаеле и убаво си живееле. Запрепастени се од неговата поврзаност со убијците.
Велешанецот Жежовски е колатерална жртва, велат обвинителите. Должел релативно ниска сума кај еден од осомничените. Неговото возило било злоупотребено за киднапирање на 14-годишната Вања.
Од грабнувањето на Панче до грабнувањето на Вања, возилото негово не било во движење и не е никаде снимено од камерите на безбеден град.
Петар Догов