Во селото Бањска се наоѓаат 30 тешковооружени лица, изјави косовскиот премиер Албин Курти по одржувањето на вонредниот состанок на Советот за безбедност.
Има најмалку 30 тешковооружени лица, професионалци, војници или полицајци, кои се опсадени од нашите полициски сили, изјави Курти.
На пресконференцијата косовскиот премиер презентираше видео снимки и фотографии на вооружени лица и блиндирани возила во селото Бањско и кај манастирот.
На фотографиите се гледа дека тоа не се вооружени цивили ниту шверцерски банди, туку провесионални воено-полициски сили, кои влегле на територијата на Косово. И внатре во манастирот и надвор покрај надворешниот ѕид се гледаат блиндирани возила, без таблички и тешко вооружени, рече Курти.
Косовскиот премиер исто така порача дека во моментов најважно е да не загине уште некој.
Да нема војување, а за тоа потребно е овие формации да се предадат на органите за безбедност бидејќи се опколени од нашите сили. Најважно е ова позитивно и мирно да се заврши, а потоа ќе видиме како ќе правиме понатаму, изјави Курти.
Курти додаде дека засега не успеваат да идентификуваат ниту едно од лицата, затоа што тие носат маски.
Ова не е борба со вооружени цивили, туку со луѓе кои се опремени со тешко вооружување и претставуваат голема опасност, на само по уставниот поредок и законите на Косово, туку и по безбедноста на сите граѓани, рече Курти.
Тој побара од нив да се предадат на безбедносните органи, наведувајќи дека сакаат владеењето на правото, мирот и безбедноста да важат за сите граѓани, без разлика. Косовскиот премиер исто така ги замоли и сите граѓани од сите етнички зедници на Косово да останат мирни и да ги следат официјалните соопштенија за точно да се информираат за ситуацијата.