Конзорциумот „Бехтел&Енка“ објави конкурс за вработување на 2.000 македонски граѓани за изградба на коридорите 8 и 10Д, но интерес досега пројавиле само 360 апликанти.
„Бехтел&Енка моментно разгледуваат 360 апликации од македонски граѓани од различни профили. И тоа е малку, бидејќи на конзорциумот му се потребни 2.000 работници“, порача премиерот Димитар Ковачевски од делницата Прилеп – Битола.
Поттик за зголемување на интересот, според него, треба да бидат саемите за вработување кои досега беа организирани во Гостивар, Битола и Тетово. Тој најави дека во наредниот период ќе се организираат и во други градови во земјата, како што стои и во договорот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.