НБА-лигата објави дека во новата сезона ќе организира уште едно натпреварување, односно турнир среде сезоната, кое ќе се вика НБА Куп. Ќе се игра за време на регуларната сезона од 3 ноевмри од 9 декември годинава.
Во Купот ќе учествуваат сите 30 екипи, кои се поделени во вкупно шест групи, односно по три во двете конференции Западна и Источна.
На Запад во групата А ќе се натпреваруваат Мемфис, Феникс, ЛА Лејкерс, Јута и Портланд, во групата Б се наоѓаат Денвер, ЛА Клиперс, Њу Орлеанс, Далас и Хјустон, додека во групата Ц се Сакраменто, Голден Стејт, Минесота, Оклахома и Сан Антонио.
На Исток, во групата А се Филаделфија, Кливленд, Атланта, Индијана и Детроит, во групата Б се Милвоки, Њујорк, Мајами, Вашингтон и Шарлот, додека во групата Ц ќе се натпреваруваат Бостон, Бруклин, Торонто, Чикаго и Орландо. Секој тим ќе игра по еден натпревар со секого во групата, или вкупно четири, односно два дома и два на гости.
Групната фаза ќе се игра од 3 до 28.ноември секој вторник и петок.
Во четвтфртфиналето, односно првата нокаут рунда ќе се квалификуваат шесте победници во групите, а таму ќе им се придружат и двете најдобро второпласирани екипи. Во оваа фаза ќе се игра по еден елиминациски натпревар, а победниците ќе одат на завршен турнир на неутрален терен, односно полуфиналето и финалето ќе се одржат во Лас Вегас на 7-ми и 9-ти декември.
Сите 67 натпревари од Купот, освен финалето ќе се сметаат како одиграни натпревари во регуларниот дел од сезоната.