Уште еден инцидент се случил во село Слупчане. Лица од Слупчане насилно влегле во енергетски објект и оставија повеќе села без струја, велат за Телма од ЕВН.
Во вчерашните доцни часови, лица од Слупчане насилно и противзаконски отвориле енергетски објект во припадност на Електродистрибуција во обид сами да го вратат напојувањето со електрична енергија во селото.
По ваквиот обид на самоволно противправно приклучување, предизвикан е дефект од големи размери кој ги остави и соседните села без струја. Ваквите манипулации од нестручни лица се крајно небезбедни може да имаат многу трагичен крај со смртни последици.
Село Оризаре, Ваксинце и Лојане денес се соочуваат со дефект благодарение на жители од село Слупчане, информираат од ЕВН.
Електродистрибуција и денес го потврдува истото. Мештаните на Слупчане ги напаѓаат нивните екипи на терен и не дозволуваат да се поправи дефектот.
“Екипите на Електродистрибуција не може да го санираат дефектот се додека се напаѓаат на терен и немаат услови за работа. Дефекти предизвикани од посериозни манипулации како во случајов, одземаат многу време да се санираат.”
Кражбите на електрична енергија во ова село се 80%, а наплатата е само 20%.