Карло Анчелоти ќе биде селектор на фудбалската репрезентација на Бразил откако ќе му истече договорот со Реал Мадрид на 30 јуни 2024 година.
Оваа вест ја потврди претседателот на Фудбалската федерација на Бразил, Едналдо Родригеш и тоа на промоцијата на новиот селектор Фернандо Диниз, кој ќе го води тимот до јуни идната година.
Анчелоти ќе треба да ги преземе „кариоките“ за настапот на Копа Америка. Тоа ќе биде прва селекторска работа за 64-годишниот стратег, кој има неверојатна тренерска кариера зад себе предводејќи ги Парма, Јувентус, Милан, Челси, ПСЖ, Наполи, Евертон, Баерн Минхен и во два мандати Реал Мадрид.