Дрин Ахмети, внукот на Али Ахмети кој ја купи Соравија, со фирмата Тор Индустрис формирана во 2020 година е вклучен во изградбата на коридорот 8 и други патишта, обвинија од ВМРО- ДПМНЕ.
Неговата фирма како што тврди Ковачки била формирана за да учествува во големи градежни проекти, како што е и проектот со изградбата на Kоридорот 8.
Дрин Ахмети во проектот се криел како подизведувач, а неговата фирма заедно со уште една фирма од Зајас склучиле договор вреден 1,3 милиони евра за ископ и други градежни работи, тврдат од ВМРО-ДПМНЕ.
- „Покрај на Коридор 8, како „Тор Индустриес“ на внукот на Али, Дрин Ахмети е вклучена и во изградба на патот од Кичево до Дебар, поточно делница Извор – Гарски мост. Исто како и на Коридор 8, така и на оваа делница внукот на Али Ахмети е вклучен со уште една фирма од кланот Зајас, а средствата кои треба да ги инкасираат, според документите доставени до нас од свиркачи се помеѓу 6 и 9 милиони евра.Потенцираме дека очекуваниот приход од 6 до 9 милиони евра, пред банката на „Тор Индустриес“ е изнесен токму од Дрин Ахмети, и тоа е заведено во анализата на банката“, вели Драган Ковачки пратеник и член на ИК на ВМРО-ДПМНЕ.
Од Тор индрустрис испратија официјално соопштение во кое ги демантираат информаците пласирани од пратеникот Ковачки и побараа јавно извинување од ВМРО-ДПМНЕ или во спротивно ќе се соочат на суд.
од ЈПДП ЗА Телма, негираат дека Дрин Ахмети бил вклучен како подизведувач со образложување дека овој проект за коридорот 8 немал ниту еден подизведувач, туку се чекале потписи само за проектирање. Негираат и било какво вклучување на внукот на Ахмети во овој проект.
На крајот на мај беше склучена зделката за продажба на Соравија на фирма која е на внукот на лидерот на ДУИ. Владините функционери повикуваат обвинителството да отвори истрага, додека Антикорупционерите ќе ги контролираат внуците на Ахмети.Како што во Неделата објави КОД 39% проценти од Соравиа се уште не му се заведени во Централниот регистар на Дрин Ахмети.
Но има сопственички или управителски позиции во 4 фирми. „Тор индустрис“, фирма за развој на градежни проекти со подружница за компјутерски консултантски услуги. „Еверест ЏД“ се занимава со нискоградба, има лиценца за ископ на минерални суровини и лиценца за хидроцентрала.
„Хелиос плант“ и „Потам плант“ се фирми за производство на струја. Дрин и Бесиан се синови на Фекри Ахмети, кој му е брат на Али Ахмети. Со исто презиме веднаш до нив е Шкумбин Ахмети- синот на Ахмети, oбјави КОД.
Симона Петровска