Прашање е на време кога Мејсон Маунт ќе биде промовиран во ново засилување на Манчестер Јунајтед.
Англискиот репрезентативец заминува од Челзи за сума од 60 милиони фунти, а според се уште неофицијални информации тој во новиот клуб ќе заработува тројно поголема сума.
Токму висината на платата беше една од најголемите причини зошто 24-годишниот фудбалер сакаше да го напушти Стемфорд бриџ и во новиот клуб тој ќе инкасира 250.000 фунти неделно што е драстично зголемување во однос на 80-те илјади во Челзи.
Маунт со Манчестер Јунајтед ќе потпише петгодишен договор со опција за продолжување на дополнителни 12 месеци, а во него има и клаузула според која во зависност од личните постигнувања неделната плата може да достигне и сума од 300.000 фунти.
Медиумите во Велика Британија пишуваат и за детали од преговорите меѓу Маунт и Челзи и се споменува дека неговиот матичен клуб во кој е од својата шеста година му нудела плата од 200.000 фунти, но и тоа не беше доволно да го задржи во своите редови.
ФОТО: Игор Паневски