Како независна сум минала три изборни циклуси и искуството ми покажало дека може да држиме дебати колку сакаме, може да излегуваме на пресови, може да велиме дека некој сака, апсолутно ниту една партија не сака ништо да промени, посебно во изминатите 15 години, истакна Габриела Илиевска, независна иницијатива „Поинаку“ – Битола, во вечерашната дебата во „Топ тема“ на Телма ТВ во контекст на изгласување на потребата за носење на Изборниот законик по скратена постапка попладнево во собранието.
Таа даде и свое видување на Работната група.
„Значи се собрала некаква група од луѓе кои се платени од сите нас, од луѓе кои треба да ги бранат интересите на граѓаните, седнале на една маса и единствено нешто за кое разговарале е како да ги земат тие пари од граѓаните кои се во буџетот на државата. Јас, искрена да бидам, само тоа сфатив“, рече Илиевска.
Таа додаде дека никој не треба да зема пари за кампања.
„Затоа што тие пари се на граѓаните“, е нејзиното образложение на таквиот, како што рече, радикален став.
С.Д.