Никој во моментов не знае каде се наоѓа лидерот на побунетата платеничка војска „Вагнер“, Евгениј Пригожин, кој со посредство на белорускиот претседател Алексдандар Лукашенко го прекина походот на „Москва“ и се договори неговите војници да се вратат во своите теренски бази, а тој да се префрли во Белорусија, со добиени безбедносни гаранции.
Откако доцна синоќа беше виден како го напушта регионалниот воен штаб на Јужната команда на руската војска во Ростов, околу 500 километри јужно од Москва, денеска за Пригожин ништо не се знае, јавуваат светските агенции.
Неговите тешко вооружени платеници се повлекоа од Ростов на Дон и целата област Воронеж, што до саботата беа под нивна контрола. Според договорот, борците на групата „Вагнер“ треба да се вратат во своите бази во замена за безбедносни гаранции и постeпeно инкорпорирање во редовните руски вооружени сили.
Последен кој разговарал со него е белорускиот претседател Лукашенко, кој според аналитичарите, тоа воопшто не била негова волја, туку наредба која ја добил од Кремљ, со што Путин ја признава својата слабост. Револтот кој го има Пригожин кон Путин можеби засега е смирен, но на долг рок секако ќе го промени политичкиот пејсаж на Русија.