Рускиот претседател го осуди навлегувањето на платениците од „Вагнер“ на руска територија како „предавство“ и им се закани на инволвираните со строга казна.
Водачите на бунтот ќе сносат одговорност, порача Путин.
Путин денеска и се обрати на нацијата по повикот на шефот на паравоената група „Вагнер“, Евгениј Пригожин, на вооружен бунт и навлегувањето на платенички сили во градот Ростов на Дон, велејќи дека тоа е „предавство“ и вети дека ќе „го брани народот“ и Русија.
Рускиот претседател оцени дека бунтот претставува „смртоносна закана за државата“ и вети дека како одговор ќе преземе „строга акција“.
„Сите оние кои го подготвија бунтот неизбежно ќе бидат казнети. Вооружените сили и другите владини агенции ги добија потребните наредби“, рече Путин.