Пратениците со безбедносен сертификат нема да добијат во раце примероци од договорот со „Бехтел и Енка„. Деловите за кои се заинтересирани, ќе им бидат презентирани, но на која комисија и кога, сè уште не се знае. Претседателот на Собранието тврди дека не го видел договорот и не сака ни да го види.
Јас го немам договорот, немам ни потреба да го видам, а не сум ниту надлежен за тоа. Примероци нема да им бидат доставени ниту на пратениците со безбедносен сертификат, затоа што станува збор за класифициран документ.Сите делови за кои се заинтересирани да ги видат, ќе им бидат презентирани, изјави Талат Џафери.
Деветмина пратеници на ВМРО-ДПМНЕ, кои поседуваат безбедносни сертификати, минатата недела упатија писмено барање до премиерот да им го достави договорот за изградба на Коридорот 8 и Коридорот 10-д, по што тој испрати согласност до собранието.Најавија дека, откако ќе го видат, ќе изработат амандмани за подобрување на предлог-измените.За измените на законот за работни односи, со кои се дозволува 60 – часовна работна недела, се поднесени 1111 амандмани од Левица. На втори мај пратениците ќе се координираат за овие прашања, но не се очекува епилог до средината на месецот, затоа што следната нова седница е дури на 10 мај.
Далиборка Демјанска Цветановска
