Нејмар нема иднина во таборот на ПСЖ и во летниот преоден рок ќе биде ставен на трансфер-листа. Дел од англиските медиуми веќе шпекулираат дека Челси ќе биде најзаинтересиран за неговите услуги доколку навистина биде достапен за трансфер.
На „Стемфорд Бриџ“ летово ќе има голема чистка и се очекува да си заминат најмалку 8 фудбалери, за да се направи место за нови засилувања. Нејмар сигурно ќе биде интересна опција за ко-сопственикот на тимот Тод Боели, кој изминатава сезона покажа дека не жали пари за трансфери.
Нејмар и натаму го држи трансфер-рекордот откако ПСЖ на Барселона и плати 222 милиони евра за неговите услуги во летото 2017 година.