Кајл Вокер очигледно нема иднина во Манчестер сити и неговиот договор, што му истекува во јуни 2024 година нема да биде продолжен.
Англискиот репрезентативец е целосно замрзнат надвор од тимот од Пеп Гвардиола и уште ова лето ќе му биде дозволено да си замине. Еден од најзаинтересираните клубови за неговите услуги е Милан.
„Росонерите“ бараат засилување на десната бековска позиција, каде што моментално во форма е само Давиде Калабрија. Алесандро Флоренци имаше тешка повреда, а Серџињо Дест не ги оправда очекувањата и следната сезона ќе се врати во Барселона.
Вокер има 32 години и по потреба би можел да игра и како централен бек, што сигурно го прави привлечна опција за тренерот Стефано Пиоли.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.