Филаделфија поведе со 3-0 во првата плеј-оф рунда во НБА-лигата откако утринава со 102-97 славеше на гостувањето кај Бруклин. Тајрис Макси со 25 поени ги предводеше Сиксерс, додека Џејмс Харден имаше 21, но тој предвреме го заврши натпреварот поради исклучувачка лична грешка. Прилично тивок беше Жоел Ембид, кој имаше 14 поени и 10 скока. Микал Бриџис со 26 поени најмногу се истакна кај Нетс.
Без Каваи Ленард и Пол Џорџ, Лос Анџелес клиперс на свој паркет беа немоќни против разиграниот Феникс, кој славеше со 124-129. Санс сега водат со 2-1 во меѓусебната серија, а Клиперс утринава немаа решение за Девин Букер, кој постигна 45 поени, додека Кевин Дурент придодаде 28. Норман Пауел беше најдобар кај Клиперс со 42 поени, а Расел Вестбрук имаше 30 поени со 11 асистенции.
Шампионот Голден Стејт направи пресврт против Сакраменто и сега води со 2-1 во нивната серија. Утринава Вориорс на свој паркет дојдоа до победа од 114-97. Домашните беа без специјалистот за одбрана Дрејмонд Грин поради суспензија, но тука беше Стеф Кари, кој реализираше 36 поени. Деарон Фокс со 26 поени беше најдобар кај Кингс.