Манчестер јунајтед е силно заинтересиран за Маркус Тирам од Борусија Менхенгладбах, кому летово му истекува договорот. Французинот како слободен агент ќе си замине од бундеслигашот и се наоѓа на врвот на листата на желби на менаџерот Ерик тен Хаг.
Тирам има одлична сезона за Менхенгладбах, но интерес за него покажува и Интер, кој бара замена за Ромелу Лукаку. Понудата на „нераѕурите“ е финансиски послаба од таа на Јунајтед, но Италијанците му гарантираат првотимски статус за разлика од Англичаните.
Францускиот репрезентативец, кој има 25 години, сезонава на 27 натпревари во Бундеслигата има 13 голови.