Лионел Меси е на излезна врата од ПСЖ, а шпекулациите велат дека тој сака да се врати во Барселона и во овој клуб да ја заврши кариерата.
Денеска се огласи претседателот на Ла Лига, Хавиер Тебас, кој вели дека клубот моментално не може да си го дозволи Меси поради финансиските ограничувања.
„Барселона мора да направи многу финансиски мерки за да може да го регистрира Меси во Ла Лига. Ќе треба многу напор за да го оствари тоа. Денеска неговиот потпис не е возможен, но има време до лето, Барса и натаму може да направи одредени потези за да го доведе Лео на ‘Камп Ноу’“, изјави Тебас.
Аргентинецот одбива да го продолжи договорот со ПСЖ, што му истекува ова лето, па навивачите на Барселона се недеваат на негов кам-бек во каталонскиот клуб.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.