Хери Кејн е подготвен да побара нов предизвик во кариерата и конечно да го напушти Тотнем. Со лондонскиот тим, голгетерот не може да конкурира за големи трофеи па затоа тоа ќе го побара во нов клуб.
Манчестер јунајтед и Баерн Минхен се главните кандидати за неговиот потпис. Обештетувањето сигурно ќе изнесува преку 100 милиони евра. Англиските медиуми му даваат блага предност на Јунајтед во оваа битка, најмногу поради фактот што Кејн сака да остане во Англија.
Напаѓачот сезонава има 23 голови на 30 натпревари во Премиерлигата.