Светската атлетска федерација не го верификуваше светскиот рекорд на Американецот, Рајан Крауер што го постави за време на натпреварувањето во сала што се одржа во Потасел.
Од федерацијата соопштија дека салата каде што е постигнат резултатот од 23 метри и 38 сантиметри нема сертификат за одржување на натпревари и дека борилиштето за фрлање ѓуле не ги задоволувало потребните стандарди.
“Дијаметарот на кругот бил поголем од дозволеното и тоа на секоја мерна точка, сегментот исто така бил поголем од тоа што го предвидуваат правилата и поради тоа светскиот рекорд нема да се верификува”, се вели во соопштението.
По оваа одлука Краузер и натаму има најдобар резултат на сите времиња, но останува постигнувањето од 2021 година кога во Јуџин имаше фрлање од 23 метри и 37 сантиметри додека неговиот најдобар резултат во затворено е оној од истата година кога забележа далечина од 22 метри и 82 сантиметри.