Со голот на данскиот интернационалец Себастијан Хенеберг на седум секунди пред крајот од натпреварот, Еурофарм Пелистер забележа победа во дербито против Алкалоид совладувајќи го домаќинот со 28:27.
Дуелот во Автокоманда беше израмнет и неизвесен до самиот крај. Двата тима се менуваа во водството, а во неизвесната завршница гостите од Битола успеаа да го реализираат последниот напад и да ги освојат бодовите на гостувањето во Скопје.
Најефикасни во редовите на Битолчани беа Хосни, Хенеберг и Васиљев со по шест погодоци додека на спротивната страна по четири пати во листата на стрелците се впишаа Симоноски и Митев.
ФОТО: Игор Паневски