Клубовите кои се членови на Премиер лигата на денешниот состанок донесоа едногласна одлука според која од сезоната 2027/2027 им се забранува на обложувалниците да се рекламираат на дресовите.
Во моментов дури осум клуба кои се дел од елитното натпреварување во Англија на своите дресови рекламираат некоја обложувалница.
“Оваа одлука е донесена по поширока расправа во која учествуваа клубовите, претставниците на Лигата и владините оддели за култура, медиуми и спорт. Ова е дел од разговорите со претставниците на останатите спортови околу инцијативата за развој на нов кодекс за одговорно спонзорирање на обложувалниците”, се вели во официјалното соопштение по денешниот состанок.
Инаку владата на Велика Британија веќе подолг период работи на нов правилник со кој ќе се регулира начинот на обложување на само на фудбалските туку и на натпреварите во останатите спортови.
ФОТО: Игор Паневски