Македонскиот репрезентативец Стефан Ристовски ја прифати понудата за продолжување на соработката и во составот на загрепски Динамо ќе остане до 2025 година.
Ристовски во хрватската престолнина дојде во 2021 и беше еден од носителите на играта на Динамо, а во текот на оваа сезона тој игра во одлична форма и постигна четири погодоци од кои три директно донесоа три бода за лидерот на табелата.
Покрај Ристовски соработката со Динамо ја продолжија стоперот Дино Периќ, голманот Даниел Загорац и играчот од средниот ред Јосип Мишиќ.
ФОТО: Игор Паневски