Археолозите на протест – со измените на законот легално ќе се уништува културното наследство

Македонското археолошко друштво поради законските измени, за денеска најави протести  бидејќи според нив со ваквиот потег се овозможува бескрупулозно легално уништување на културното наследство… Измените предвидуваат доколку за време на изградбата на автопатите се пронајде археолошко наоѓалиште изведувачот на градежните работи, тоа да го пријави до надзорниот инженер, наместо како до сега до надлежната јавна установа за заштита или до Министерството за внатрешни работи. Упатија апел на денешниот протест да им се приклучат претставници од Министерството за култура, од Управата за заштита на културното наследство, од установите за заштита, како и сите засегнати граѓани. Сметаат дека предложените измени и дополнувања се направени без консултации и вклучување на стручната и научната јавност, чија професионална дејност е да го истражува и заштитува културното наследство, согласно Уставот и релевантните закони