Двојна круна за кугларите на Макпетрол

Кугларите на Макпетрол триумфираа во првенството на Македонија и по 22 пат го освоија трофејот.

Членовите на скопскиот клуб до рекордната 22-ра титула дојдоа со убедливи 16 победи од исто толку натпревари.

Исто така, „Макпетрол“ е освојувач на купот во куглање на Македонија што вчера се одржа во кугланата „Мусандра“ во Скопје, а Младен Донковски, натпреварувач на скопскиот клуб, е прогласен за куглар за 2022 година.