Македонската женска ракометна репрезентација во првиот дуел од баражот за пласман на Светското првенство е совладана од Украина со 24:22.
Нашите ракометарки скапо ја платија цената за катастрофалната игра во првото полувреме кое гостинките го решија во своја полза со 14:8.
Во продолжението од средбата избраничките на селекторот Љубомир Савевски игра далеку подобро и во еден момент успеаа да стигнат до израмнување, но немаа сила за пресврт.
Најефикасна во македонската репрезентација со осум погодоци беше Сара Ристовска додека Јована Саздовска и Моника Јанеска постигнаа по три.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.