Според пишувањето на британските медиуми менаџерот на Манчестер Јунајтед, Ерик Тен Хаг има три желби кои би сакал да ги исполни во текот на летниот преоден рок.
На листата на холандскиот тренер се наоѓаат Џад Белингам, Деклан Рајс и Френки де Јонг и за комплетирање на трансферите на тројцата играчи ќе бидат потребни околу 300 милиони фунти.
Најскапиот од триото кое го посакува Тен Хег е Белингам кој е под договор со Борусија Дортмунд, а Бундеслигашот за предвремен раскин бара сума од 130 милиони фунти.
Троцифрено обештетување бара и Вест Хем за прекин на соработката со уште еден репрезентативец на Англија, Рајс.
Под 100 милиони е обештетувањето за Де Јонг кој е под договор со Барселона и за него Каталонците бараат околу 70 милиони.
Тен Хаг верува дека наскоро ќе се случи смената на раководната структура во клубот и дека новите сопственици ќе сакаат веднаш да инвестираат во екипата, а со тоа и да ги исполнат желбите на менаџерот.
ФОТО: Игор Паневски