Продолжуваат и натпреварите во ракометната Супер лига, а денеска ќе се одигра дербито на седмото коло.
Вечерва од 20 часот во салата во Автокоманда, Алкалоид е домаќин на лидерот Вардар кој и во продолжението од сезоната се уште не ја почувствувал горчината на поразот.
Црвено-црните веќе успеаа да слават во соочувањето со директниот конкурент за титулата Еурофарм Пелистер, а дуелот против Алкалоид е нов предизвик за составот предводен од Владо Недановски.
На спротивната страна Алкалоид има серија од четири победи и во моментов е на третата позиција на табелата со три бода помалку во однос на водечкиот градски ривал.
Денеска се игра уште еден меч од седмата рунда во кој Пролет на домашен терен го пречекува вториот тим на Еурофарм Пелистер, а почетокот е закажан за 19 часот.
ФОТО: Игор Паневски