Полска, Велика Британија и трите балтички земји денеска објавија заедничка изјава во која се бара забрана на настап на спортистите од Русија и Белорусија на претстојните Летни олимписки игри што ќе следната година ќе се одржат во Париз.
“Цврсто стоиме на ставот дека сега не е време да се разгледува опцијата за отворање на патот на спортистите од Русија и Белорусија за настап на Игрите. Не е дозволиво е тие да партиципираат со било кој статус. Иако ИОК се уште не донел конечна одлука ние го охрабруваме да ги преиспита своите планови и да остане на ставот кој го подржува меѓународната заедница”, се вели во дел од заедничката изјава.
Водечките луѓе на Интернационалниот олимписки комитет се соочуваат со два големи проблеми. Првиот е дека ако дозволат спортистите да партиципираат на Игрите ќе следува бојкот на дел од земјите кои се против нивното враќање во редовните натпреварувања, а вториот дека истото може да се случи во спротивна насока односно бојкот на државите кои го поддржуваат враќањето на Русите и Белорусите на борилиштата.
ИОК се залага спортистите од Русија и Белорусија да партиципираат на Игрите во Париз и да имаат неутрален статус односно да не се натпреваруваат по своето знаме и ако се освои златен трофеј да не се интонира националната химна.
